ეს არის ტურიკო ყურშას სერიის 2 კრებული დაახლოებით 5 წლიდან დაწყებული, ყველა მომდევნო ასაკის ბავშვებისთვის (უფრო ადრეულ ასაკშიც შეიძლება წაკითხვა, რა თქმა უნდა). ორივე კრებული შედგება 12 განსხვავებული ზღაპრისაგან. თანამედროვე, დღევანდელ რეალობაზე მორგებულ ამბებში ბავშვები საკუთარ თავს დაინახავენ, თავიანთ გარემოსა და ცხოვრებას ამოიცნობენ. ეს კეთილი, თბილი, ლამაზი და სასარგებლო ზღაპარ-ამბები უკვე არაერთმა პატარამ შეიყვარა და დაიმეგობრა. თითოეული ეს ზღაპარი ბევრ კარგ რამეს ასწავლის ბავშვებს, საუკეთესო თვისებებს ჩაუნერგავს და მათთვის აუცილებელ უნარ-ჩვევებს განუვითარებს, ყურშა და კეთილი ტყის სხვა ბინადრები კი მათი საუკეთესო მეგობრები გახდებიან. ორივე წიგნი ფერადი (ხელით შესრულებული!) ილუსტრაციებით არის გაფორმებული.